2D / BIM / GIS / Info

2D/BIM/GIS býður upp á myndræna framsetningu gagna í MainManagerFM

Fyrir ofan gagnasvæðið á hægri hlið eru fjögur tákn.

2D / BIM / GIS / Info

Þegar ýtt er á  eitt af fyrstu þremur táknunum, birtast eftir virkni gagnvirkar teikningar, þrívítt líkan eða kort.

2D - Teikningar

Myndrænt yfirlit með gagnvirkum 2D teikningum

MainManager býður upp á  að birta upplýsingar í 2D-teikningum (gagnvirkum teikningum). 2D-teikningar eru lesnar inn í kerfið útfrá Autocad teikningum eða IFC skrám sem innihalda meðal annars upplýsingar um nafn, tegund og stærð byggingahluta. Til að mynda inniheldur hæðarteikning öll rými á hæðinni og mögulegt er að reikna flatarmál sjálfkrafa útfrá skrám sem lesnar eru inn. Þegar teikningar hafa verið lesnar inn, birtast þær í öllum ferlum og einingum með því að notandi smellir á 2D táknið.

Þú getur lesið CAD teikningarnar þínar inn og notað þær til að fá betra yfirlit yfir hvar verkin þín, búnaður, ábendingar og skipulagseiningar eru staðsettar. 

Litakóðar gefa svo enn betra yfirlit og greiningu á upplýsingum eignanna og tákn eru sett inn til að sýna hvar atvik og verkbeiðnir eru staðsett innan bygginga.

BIM

Myndrænt yfirlit með BIM

BIM eru þrívíð líkön sem bjóða upp á myndræna framsetningu gagna. BIM líkan inniheldur upplýsingar um byggingu, hæðir, rými, tæknikerfi o.fl. sem mögulega er hægt að lesa inn í viðfangaskráningu MainManager. Áður en smellt er á BIM táknið þarf notandi að hafa valið lóð eða byggingu til að rétt 3 víddar líkan birtist.  Athugið að forsenda til að BIM líkan birtist er að búið sé að lesa það inn í MainManager. 

GIS Kortasvæði 

Myndrænt yfirlit með korti

Með því að smella á GIS táknið birtist kort með mismunandi þekjum (Opin svæði, útlínur bygginga,,,)

Grunnupplýsingar viðfangs

Með því að smella á táknið hér að ofan birtast grunnupplýsingar ásamt skráðum myndum af lóð, byggingarhluta eða öðru viðfangi sem valið er í staðsetningarsíu.