Stillingar á skrefum og ferlum

Stillingar 

Í þessu skrefi er hægt að skilgreina aðgang notendahlutverka að kerfinu, t.d. hvaða ferli, skref og einingar þeir geta séð í kerfinu ásamt því að skilgreina aðgangsþrep fyrir hverja einingu.

Þegar notandi velur stillingarskref í ferlinu Aðgangsstjórnun opnast yfirlit yfir alla ferla sem eru opnir í grunnstillingum í viðkomandi gagnagrunni. Lengst til hægri á hverjum borða / ferli birtist hnappur til að á kveikja / slökkva sem gefur til kynna hvort tiltekið ferli sé sýnilegt fyrir valið notendahlutverk.

Til að byrja með ákveður notandinn hvaða notendahlutverk hann vill stilla kerfið fyrir. Með því að ýta á gula textann fyrir ofan borðana opnast sían og þú getur valið viðkomandi notendahlutverk. Athugaðu að í síunni er einnig hægt að sía á aðra valkosti td. ákveðið ferli til að einfalda valmöguleikana.

Skjámynd úr stillingarskrefinu í aðgangsstjórnun. Ferli mannvirkjaskrár hefur verið gert sýnilegt fyrir valið notendahlutverk

Um leið og ýtt er á ferli birtast skref þess fyrir neðan sem eru stillanleg. Á sama hátt getur notandinn kveikt og slökkt á viðeigandi skrefum innan þess ferlis fyrir valið notendahlutverk.

Þegar ýtt er á skref birtast einingarnar (undirskrefin) sem eru mögulegar innan skrefsins. Hér er hægt að stjórna aðgangsstigi að einingunni:

• Fullur aðgangur - Notendur í hlutverkinu geta búið til, breytt og eytt færslum í viðkomandi einingu. Í skráningarglugga fyrir eininguna geta notendur breytt gögnum í öllum reitum þar sem það er á annað borð mögulegt í viðmótinu.
• Skrá og breyta aðgangur - Sama og fullur aðgangur fyrir utan það að notendur með þetta aðgangsþrep geta ekki eytt færslum í einingunni. 
• Breyta aðgangur - Notendur í hlutverkinu geta opnað færslur í viðkomandi einingu og breytt gögnum, en enginn aðgangur er til að búa til eða eyða færslum.
• Lesaðgangur - Notendur í hlutverkinu geta aðeins opnað færslur í viðkomandi einingu og lesið upplýsingar án þess að breyta neinu. Enginn aðgangur til að stofna eða eyða færslum.

Athugaðu að það er hægt að hafa aðgangsrétt að einingu án þess að sjá hana í ákveðnum valmynd innan kerfisins. Þetta þýðir að notandinn gæti haft aðgang að því að skrá eða breyta gögnum þar sem þau tengjast öðrum gögnum (td í undirgögnum).

Skilgreining aðgangsheimilda undir skrefinu Staðsetningar. Notendahlutverk hefur Fullan aðgang að þremur einingum og Lesaðang fyrir aðra. Tvær einingar eru sýnilegar í valmyndinni

Innan hverrar einingar er mögulegt að stilla aðgang að aðgerðum, undirgögnum, tengdu gagnalíkani, skýrslum o.s.frv. fyrir viðkomandi notendahlutverk.

Innan einingar eru aðgerðir, undirgögn, skýrslur o.s.frv. til að skilgreina hlutverk hvers notanda

Athugaðu að fyrir Tengd gögn og Undirgögn er einnig hægt að til að stjórna aðgangsþrepi vegna þess að hver þeirra hefur sérstaka einingu á bak við sig. Hins vegar ber að hafa í huga að ef aðgangsstigi er breytt fyrir tiltekna einingu á einum stað í stillingum þá á það við um alla staði þar sem þessi eining er birt fyrir notendahlutverkið. Athugaðu einnig að hægt er að stilla hvaða undirgögn eru sýnileg fyrir notendahlutverkið inni í glugganum fyrir viðkomandi einingu. 

Tegundir stillanlegra atriða innan eininga

Tengd gögn

Einingarnar sem sýndar eru hér eru einhvern veginn tengdar einingunni sem þú ert að stilla, í flestum tilfellum eru þær með í skráningarglugganum. Það gæti verið þörf á að leyfa notendahlutverkinu að búa til nýjar færslur eða breyta þeim sem fyrir eru fyrir þessi gögn. Hér er hægt að skilgreina aðgangsstig að þessum tengdu gögnum.

Dæmi um tengd gögn sem sjást innan Byggingareiningar og hvar þau birtast í skráningarspjaldi fyrir byggingu

Undirgögn

Hér eru allir stillingarvalkostir fyrir gögn sem eiga að birtast hægra megin innan skráningargluggans fyrir eininguna. Það er hægt að stilla aðgangsþrepið, en einnig hvort þau gögn séu sýnileg eða ekki. Dæmi um undirgögn fyrir byggingar eru t.d. skjöl, hæðir og rými.

Dæmi úr skráningarglugga byggingar þar sem aðgangur er að undirgögnum

Skýrslur

Hér eru skýrslur sem hægt er að stilla fyrir valda einingu.

Aðgerðir gagna

Hér er yfirlit yfir aðgerðir sem hægt er að keyra fyrir færslur innan þessarar einingar. Það gætu verið aðgerðir sem hægt er að virkja úr einni færslu, fyrir margar færslur í einu, eða fyrir allt gagnasettið innan einingarinnar.

Skráningaraðgerðir

Hér sérðu sérstakar aðgerðir sem notaðar eru til að skrá gögn inn í eininguna í stað þess að nota plúshnappinn.

Innlestraraðgerðir

Hér sérðu aðgerðir sem hægt er að nota til að lesa inn gögn fyrir eininguna og hafa oft verið sérsniðnar að ákveðnum þörfum viðskiptavina. Þetta geta t.d. verið innlestur frá Excel en það er frábrugðið frá einni einingu til annarrar hvaða innlestrarðgerðir eru til.

Útlestraraðgerðir

Hér er yfirlit yfir þær aðgerðir sem hægt er að framkvæma til að sækja gögn úr kerfinu á ákveðinn hátt. Hins vegar skaltu hafa í huga að almenn aðgerð Lesa út lista er alltaf sýnileg og er langmest notuð til að kalla á gögn út í Excel hvar sem er í kerfinu. 

Aðrar aðgerðir

Hér munt þú sjá aðgerðir sem eru sérsniðnar að ákveðnum þörfum.