Tilgangur og lýsing

Rekstrar- og viðhaldsferlið í MainManager er öflugt tæki til að stjórna upplýsingum og kostnaði sem tengist rekstri og viðhaldi á eignum þínum. Til að hafa eignir og innviði þeirra í sínu besti ástandinu í gegnum líftíma sinn, er mikilvægt að hafa rekstrar- og viðhaldsferlið auðvelt og skiljanlegt. Að hafa aðgang að öllum upplýsingum og sögu hvers viðfangs, hjálpar þér við að taka betri ákvarðanir og skipuleggja fram í tímann. Verkbeiðnir og atvik sem skráðar eru af notendum fasteigna og öðrum hagsmunaaðilum má nýta ásamt niðurstöðum úr ástandsmati til að gera kostnaðaráætlanir. Með því að skoða fyrri verk er hægt að áætla með sífellt betri nákvæmni og leggja fyrir stjórnendur. Þegar fjárhagsáætlunin hefur verið samþykkt geta aðgerðir svo hafist.

Verkbeiðnir sem leiða til útgjalda, eru gefnar út fyrir hvert verkefni og kostnaði er úthlutað á þær. Með því móti geta verkefnisstjórar skoðað hvenær sem er hve miklum fjármunum er búið að úthluta án þess að þurfa að bíða eftir bókuðum kostnaði frá bókhaldi sem kemur oft aðeins síðar. Þetta krefur þjónustaðila um að gefa ávallt upp rétt tilboð í verk ásamt því að tilkynna og fá samþykkt ef útlit er fyrir að kostnaður muni fara fram úr upphaflegri áætlun. Bókfærður kostnaður er skráður frá bókhaldi, oftast með beinni tengingu við bókhaldskerfi. Smám saman verður til saga um rekstrar- og viðhaldskostnað einstakra byggingarhluta eða stærri hluta í eignasafninu sem hægt er að nýta sem viðmið í skipulagningu og áætlanagerð fyrir aðrar samsvarandi eignir.

Með rekstrar og viðhaldsferlinu er hægt að fá afar góða sýn yfir stöðu á hverjum tíma, áætlaðan kostnað, úthlutaðan kostnað og bókfærðan kostnað. MainManager getur tengst flestum bókhaldskerfum svo sem Agresso, Navision, Concorde, Axapta, SAP og Oracle business.

Með því að hafa sögu eignarinnar vel varðveitta þá eykur það þekkingu notenda hennar,  gerir kleift að bera saman sambærilegar eignir og er einnig nauðsynleg forsenda þess að skapa áreiðanlegar og raunhæfar framtíðaráætlanir fyrir eignina.

Til að aðstoða notendur við að viðhalda og skrá gögn um eignina hefur MainManager þróað ferli til að gera þetta á sem einfaldastan hátt, skref fyrir skref.  Í mörgum ferlum kerfisins er hægt að draga og sleppa á milli eininga sem gerir skráninguna einfalda og fljótlega